“相體” 定係 “雙睇”??
February 16th, 2006 by dougdoug一個彼很久沒見的朋友相約,誠邀參加佢join的社會機構一個飯局.
(香港女青商會–會員係咩人唔講也估到吧!!)
不過還是想著或者唔只只得我一男生,也許能識到多D其他朋友吧!!
(我想我身邊的朋友類別應該要廣氾Dオ比較正面吧!!)
誰知還是一樣, 全場六十多七十人,除我以外還只得其除的五六位!!
成晚,我個朋友雖然也知我既target係咩,
但為左怕我悶, 就介紹了好幾位佢Ｄ會員朋友我識.
雖然只係平常社交, 但於這些情人節setting 下,
somehow就真係有Ｄ"相睇"feel!! 剛開始時真有點兒怪怪!!
不過去到某個位, "我"還是返回來!
一係唔講, 當講到BOBBI BROWN的最新special, …
HaHa… 咪就係我都有lor!!
做gym, yoga, pilate, oh…仲有剛剛的"everywhere sales" 同現在的 "New arrival" la!! 結果還是 back to normal … 剛剛果隻feel亦為之消失!!
以前每一年都會係D令會/ conference見一次.
返來後雖然不時ICQ/電話, 但見面還是首次!
好親切係因為由 First year 於冬令會識佢到現在還是無所不談,有傾唔完既話題!!
斷斷續續七年, 還是難得的!!
五餅二魚
February 12th, 2006 by dougdoug今天返教會, 真係 really really amazing!! 返了兩年, 除了聖誕祟拜, 都末見過坐無虛席既時候, 但係今日竟然能全院滿坐. BMCF只係一間唔顯眼既教會, 最勉強也只能容納百二、三人. 唔似以前証道有幾百人既坐位, 一日幾場既崇拜. 平日只有六、七十人既崇拜, 今天竟有近百人! (驚呀還算是竟然有三十多人今日都係冇野做! 定真係一個安排?)
還是感覺 amazing. Amazing唔止係人, 還有李師母既一席話.
每每師母既講說都係一個挑戰, 但是卻值得細味. "朝聖並唔係單單兩三星期的朝聖旅程, 而係用年月來經歷既生命." 唔係講schedule, 編排, 預演. 而係冇準備, unexpected 既過程. 五餅二魚中所餘下的十數籮, 甚至那三千人, 都末必係一個計算/ 一個預先按排的加場. 但事情最後依然能使要吃的得吃. Happy Ending. 生命的朝聖亦一樣, 沒有預片, 沒有節錄. (可6:30)
很久也末聽過 "He’s able" 呢首詩歌, 記得年前因VBS而學會, 以為呢D"兒歌"絕對唔會有機會於這種"成人教會"聽到, 點知竟然成為今天敬拜之一環. 再次勾起那年summer既VBS, 應該還是99年吧. 沒有預先按排/ 特定. 每次返到崇拜. 每當某些敬拜時刻, 還是期望著一天我們能再次一起崇拜, 一齊哼著, 唱著那首首經典.
雖然身處同一城市, 但卻不一樣的選擇. 曾花上年日尋覓著那裏才是為我預備的地方, 最終還是逃不了自已, 逃不過那個為我安排的. 更甚就是知道就是繼續尋找, 還是尋不著, 只會更迷失. 雖然從末得到妳們的否定/ 肯定, 但還多得妳們的鼓勵. 如妳還末尋到合適的, 可不來試試, 試著找, 找著看.
就算海枯石爛…
February 10th, 2006 by dougdoug人大了要考慮的一天比一天多。今個星期同一個中學同學食甜品, 係一件朱古力軟心。一邊食一邊擔心自己身體又"增值"了多少, 本來都OK, 冇咩好講, 但係食完後佢另一個issue就好似突然"閃"左我一下: "我地呢個年紀己唔可以食咁甜架啦 — 對Ｄ牙唔好架, 一生只係得一副牙架咋!!" … 係喎! 好似連甜品開始都成了一種毒藥。今晚團契食飯,又再講"牙"—-做牙套,洗牙,甚至假牙。原來做gym, 減肥, 去眼袋, 防脫髡係我地既issue, 本週還提及–牙!!
突然想起楊千華: "就算海枯石爛…我都唔俾你爛." (http://www.isd.gov.hk/chi/tvapi/teeth_c.html)
第一次… 大中華版
February 9th, 2006 by dougdoug相信係以往既教育同薰陶, 以前團契不停灌輸支持原創,唔BT,唔"老翻". 就算日日來
往深圳返工,都冇同Ｄ同事去買, 因為自己都應為如果真係鍾意就會買正版. 但係當戲院連幾時上都末知, DVD更加末出的同時, 差不多每天都在報紙看到, 真係好難忍!
之前中山旅行,成班人見到,死都堅持要等戲院上畫先睇, 仲約了一齊去睇! (最後成晚就一齊睇住雀聖2一邊打麻雀)!! 但係sorry, 我還是等不來, 最終都係死死地買左!! 不過我仍然應同一齊去戲院睇會好feel D, 所以我點都會一齊去戲院睇多次!!
…這亦是我第一次於深圳買翻版的最佳理由!!
“想死”
February 2nd, 2006 by dougdoug每逢過時過節一大班人"har"係非常開心. 甚至令你忘記原有的
生活"原則". 亦令你掉進一個一個的"陷井","圈套"裏。當中最可怕的應算是"食"了!! 只是短短幾天,報應就出現了!! 但當你眼見當前一隻隻, 一件件時 , 莫講係禽流,H5N1還是什甚"石綠"…就連對你最貼身的–脂肪也得被遺忘! 更可怕的就是節日過後怎樣"膳後"!!
不過老實說,真的多謝呢班陪我既人,因為我相信我們情況還是相同, 如果唔係就唔會末食玩就已開始談到幾時一齊去renew California既membership!! 我昨天己開始了第一天, 我想大家還是一樣!!
旅行篇…Bangkok
December 22nd, 2005 by dougdoug一次去旅行o既經驗, 除了身心relax, 更對自己的朋友更加認識!! 多謝呢個friend, 突
然其來令我多o左個假期. 更因為係同呢個friend 去, 要不然我又唔知最後會買幾多 無謂o野返屋企, 仲要俾阿媽"惡罵"一
番!! 但亦又係因為佢我又唔知miss o左唔知幾 多個大大小小之購物 "境點、名勝、古蹟"!! 不過我都衰衰的為了那一時三刻之睡眠時間令佢去唔到個水上市場, 但事實我冇後悔放棄呢個水上市場,因為我真係唔可以放假都晨早6點起身law!!只可講句sorry !!! 下次旅行, make sure 唔駛晨早6點起身先叫我, 如果唔係,我只曾再次令你失望!!
曾幾何時–直至今天@bmcf
December 11th, 2005 by dougdoug1998 年6月21日, 我於多倫多証道浸信曾於眾人前確認我的信仰.係呢 5年於証道的日子, 我經歷了神, 經歷過多數人唔會有之經歷 — 在尋找信仰當中同時尋找個人取向. 到底係咪一定只有一個出路, 擾攘了我至少2年時間. 2004年,回港後尋尋覓覓, 半年後始終回
到最初神所預備.
2004年12月再次回到基恩, 一個我可以完全放下(at least 到現時為止) 完全分享, 分享到我一直都不能直接分享而又係我最struggle o既課題. 當中每個弟兄用年月儲下來的經歷令我再一次體驗到神所賜既"窄路"唔係單單俾我. 再一次找到一班就算仍然唔熟, 但起碼都叫同路既同路人。 離開証道, 團契唱著同路人.感謝主, 今曰佢俾返一班同路人我. 2005年12月11曰, 我再一次於眾人前再次確認我的信仰,亦同時確認我所取之. 在這裏我找到我信仰的家,身份之定位。今天我正正加入了這個教會–基恩之家(BMCF)。
Icon. vs. 囍宴一夜
November 20th, 2005 by dougdoug
秋冬休斕篇
October 13th, 2005 by dougdoug每逢入秋, 坊間小吃 Best Buy 必然有 "燴蕃薯" 同 "炒粟子"。 但係來來去去都係 Dry Dry 的，想有Ｄ濕潤 feel 又想食呢 Ｄ "Seasonal Best Buy" 可以點呢！！ 不如 try try "燻煙蕃薯燴粟子糖水" la!!
基本上同一般 "original蕃薯糖水"一樣，不過想有 Ｄ fushion feel 就可以 try try！！ 當然直得推介係因為一食落口就食到個陣"燴"同"煙"o既炭香味，好有屋企糖水 feel 之餘亦食到街邊小吃o既風味！ 對一 D Lazy People 就更方便！因為所有材料， 除o左水要煮滾，其他材料都係 ready to eat， 只要滾幾滾就OK！ 糖水好出味之外， Ｄ蕃薯亦好有ロ感，唔會煮得太耐而"林"晒又或者未熟而硬硬的！D粟子出到味之餘，食落口仲有陣陣粟子香，又唔似一包包o個Ｄ即食粟子鬼死 o甘"林"！Good！！
**不過最重要係記得落薑！
